Historische Beschreibung der Münsterkirche und der Heiligthums-Fahrt/150

GenWiki - Digitale Bibliothek
Historische Beschreibung der Münsterkirche und der Heiligthums-Fahrt
<<<Vorherige Seite [149]	Nächste Seite>>> [151]
Hilfe zur Nutzung von DjVu-Dateien
Texterfassung: korrigiert
Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.

daraft soiien die heren doin gesinnen, asdick sy des behoiren den man yn asdan geuen sal jnd anders vur ind nae sal man den grindel geslossen halden.

      jtem dat wasser die pauwe, dat up yre brodermoelen geyt, dat sal man unden ind ouen halden gelych als die gesworren van den moelenambacht dat wysen jnd an wenre dairaft eynche brüche is die sal dat affdoin.

      jtem want ouch die stat den heren dechen ind capittel gegont hait dat sy dat wasser uss der pauwen roissportze ber yn dorch die gemeynde upt cloister leydent, so soilen sy dat altzyt also machen ind unger halden, dat der stat ind den burgeren dairaff egeyn schade noch verdriess encome.

      vort sal dat wasser uss der pauwen vallende in der stede grave. vur sint jacobs portze, ind dat wasser dat ouch benentstraisse neder geyt also gaende ind vallende bliven, up die maesse des dat capittel die wydde der locher ind die groesschaft die tzappen haint.

      jnd umb zo verhueden, dat die vurgz eirberen heren dechen ind capittel mit der stat, ind die stat mit yn vortan egeynre tzweyunge noch unmynne samen en hauen, so is oeuerdragen, off sy hernamails mit eynandern yet goentz gewoiren, umb wat sachen dat were, dat dat capittel drie guede manne, ind die stat ouch drie guede manne asduck des noit geburt by eynanderen schicken soelen, die sachen tusschen yn vruntlich zo scheyden ind zu saissen, des sy zo beiden syden gevolgich syn ind by der saissungen bliven soilen. jnd off die seess niet eyns en würden, so soilen die seess eynen gueden man kiesen, die des ayn partye sy den stoiss zu gelychen.